A perdonai ma custa est tropu bella e mi tocat a ndi torrai de is fèrias po si-dda contai. Narai-mi-ddu bosàterus chi sa defensa de su sardu est cosa chi depeus lassai a sa Lega, cun s’èuru-parlamentari Borghezio, ca is Sardus funt pensendi a àtera cosa, ca gei nci tenint cosa prus pretzisa de atendi. Bella figura! Gei est berus chi in Bruxelles ddoi seus tropu pagu po mori de sa chistioni de su cullègiu eletorali cun sa Sitzìlia, ma is chi ddoi funt o su chi ddoi est a ita fiat pensendi?! Ligei-sì custa nova de s’Ansa aici cumprendeis prus beni de ita seu chistionendi.