Printzipiaus cun sa bona, sa bessida de su discu nou de Dr Drer & Crc Posse, de Casteddu, intitulau ‘Cosa bella frisca’. Ddu presentant su 29 in Casteddu etotu, a is 10 in su Terraprenu, cun d-unu cuntzertu. Su ‘lànciu’ de sa cosa est giai on line.
Ma po no essi tropu prexaus tocat a arremonai sa chistioni de sa pisca in su mari de Bosa. A su chi ndi apu pòtziu cumprendi, is Sardus no podeus piscai in su mari nostu a ‘cianciole’ ca anca ddi fait dannu a su mari, is àterus perou gei ddoi podint piscai in su mari bosincu, ca depit essi ca is ‘ciànciolas’ insoru funt prus togas… Comentisisiat, is bosincus ant tentu cosa de nai, e si funt chescendi, ca anca ndi-ddis funt furendi is arrichesas de issus e insandus ita fait sa regioni sarda? in logu de defensai sa sienda cosa nosta, donat a is permissus a is stràngius po benni a si-ndi-dda pigai, aici nant is de iRS chi ant denuntziau custu acadessimentu.