S’Enciclopedia de sa Mùsica Sarda

Su 21 de abrili at a bessiri su primu nùmeru de s’Enciclopedia de sa Mùsica Sarda. At a costai 1 èuru e at a essi su primu de 16 volùminis cun totu sa mùsica sarda chi s’agatat in dii de oi. Su progetu editoriali est de s’Unioni Sarda e sa diretzioni scientìfica est de Marcu Lutzu. Un’òpera manna e beni fata chi iat a depi intrai in sa domu de totu is Sardus. Seu narendi diaici poita apu tentu s’ocasioni de ddoi traballai e de biri sa faina. E difatis ddoi seu deu puru in mesu, m’ant intervistau comenti a apassionau de cantadoris, apu fatu trascritzionis e tradutzionis de cantzonis sardas, cantadas, arrosàrius, gòcius etc. e a prus ddoi funt unus cantu artìculeddus mius po sa lìngua de is cantzonis, de s’arrepentina e àtera cositedda innoi e innia. Torru a nai, unu traballu de importu mannu po sa cultura sarda no sceti po is chi funt giai apassionaus ma prus de totu po chini bolit connosci sa mùsica sarda de su connotu e su caminu chi est pighendi in custu tempus gràtzias a is chi dda cantant, dda sonant e dda bivint oindii.

Enciclopedia

Questa voce è stata pubblicata in Senza categoria e contrassegnata con , , , . Contrassegna il permalink.

Lascia un Commento