BLUES
Bah, custa borta mi seu ghetendi a su Blues. E apu tradùsiu in sardu unu blues de Bukka White, bluesman e ghitarrista de su Delta Blues, su primu blues acùsticu de su Mississippi, tanti po si cumprendi.
‘Parchman Farm Blues’ mancai su tìtulu chistionit de ‘farm’, una ‘fatoria’ a sa moda americana, est unu presoni de su Mississippi anca nci-ddu iant inserrau a Bukka, po ca iat mortu a unu. No sigu a contai ca forsis sa cosa no interessat a totus, ma chi boleis àteras scedas, circai in internet ca gei ndi agatais.
Parchman Farm Blues
O su giugi donit-mì sa vida custu mangianu
Innoi in su masoni de Parchman
No ddu emu a bolli tirriai aici de mala manera
Ma apu lassau a mulleri mia in corrutu
Cuàturu annus, e adiosu mulleri
Totu su chi as fatu si-ndi est andau
Adiosu mulleri
Totu su chi as fatu si-ndi est andau
Ma mi speru ca una dii
As a intendi custa cantzoni mia solarina
Ascurta-mì piciocu
No ndi bollu nai mali
Ascurta-mì piciocu
No ndi bollu nai mali
Si bolis fai beni
T’at a cumbenni a ti-ndi abarrai atesu
de su masoni bèciu de Parchman
Andaus a traballai a mangianu
Pròpiu candu est orbescendi
Andaus a traballai a mangianu
Pròpiu candu est orbescendi
Finsas a su scurigadòrgiu de su soli
Chi est candu su traballu est fatu
Seu innoi in su masoni de Parchman
Mi-ndi emu a bolli torrai a domu
Seu innoi in su masoni de Parchman
Ma mi-ndi emu a bolli torrai a domu
Ma mi speru chi una dii
Nci-dda apu a fai.
bellissima. lo sai che nel blues, quando ci si riferiva ad una donna, o meglio ad una moglie (cattiva o a cui si augurava del male) il riferimento era al padrone?
juliu
PS
ma perchè non sei venuto al circolo per la serata Delta Blues?
Eh Jùliu mi depis crei chi ti nau ca m’est prantu su coru ma no at fatu. Gei at a torrai a incapitai.
Luegu Ivo, Luegu eus a ripiti sa cosa, est praxia meda a totus e du bollint torrai a intendi
. Ndi tenus dus de atòbius asua de su Blues, uno est asua de su Rockabilly e s’atru, fac’ior’è acabu de su mesi k’intrat, asua de su Rhythm & Blues :). Imou di si naru ki ci faint a furriai sa cantzoni Parchman Farm Blues in sardu 
… poid’essi no?
Ellus podit essi etotu! Sceti ca deu dda apu tradùsia chentza de castiai sa mètrica, a dda cantai forsis ddis benit prus a traballu. Chi est, nara-si-ddu de mi cuntatai, aici provaus a dda arrangiai.